قصيدة “العلوة”

الشيخ أحمد ولد قدور

اعداد : غيلاسي مبارك – موطني نيوز 

العلوة هي أغنية شعبية عروبية مغربية تراثية من صنف فن العيطة لمنطقة الشاوية للشيخ أحمد ولد قدور أحد رواد فن العيطة بالشاوية العليا من خلال عزفه على آلة «لوتار» وكذا من خلال كلماته الزجلية العميقة وتعتبر من أشهر الأغاني المغربية الشعبية الوطنية التي ينشدها الفنانون المغاربة.

وهي تتغنى بالاولياء الصالحين في مدينة بن أحمد الملقبة بالعلوة.

وتعني كلمة العلوة في الاصطلاح المحلي الهضبة المرتفعة..العلوة عنوانها الأرض والاستقرار والروح والشوق وفيها حركة دائمة فهي تدل على الحياة والتعلق بالهوية وأمومة الأرض، بصيغة عيطاوية متميزة..كلمات الأغنية مليئة بالإيحاءات الشعبية، ومن مقاطعها :

يا وليدي بسم الله بسم الله

وقاصدين بيبان الله

وراه كلها فعلو يلقاه

وتا انا فعلي يلقاني

وربي وانا عبدك

نتنزه في ملكك

ومول لملك العالي

ما بحالو تا والي

والله ما نخمم

ولا في برد لعشية

وسيدي ربي لكريم

مزينو بالعطية

يا وليدي مالي يا ربي مالي

ميمتي مالي من دون الناس

واحد مع ولادو هاني

وانا سهران وعساس

آ الغادية عيب عليك

وآ الجاية عيب عليك

وتبعتي ناس الحال

ونسيتي واليديك

واهاه وخليوني نبكي

خليوني نشكي

عل زيارة جدي

سارو وما علموني

والغادي العلوة

وا وليدي اجي نوصيك بعدا

الا وصلتي سلم

والعلوة لا تكلم

الغادي واش مگابل

والجاي واش مگابل

واحد مسك وهابل

والعلوة گاع بواهل

والعار آ سيدي رحال

وخدم وسرو بان

وربحات منو قومان

هدا تاريخ الزمان

يا وليدي والله ما نخمم

يا ميمتي في برد لعشية

وسيدي ربي لحنين

على مزينو بعطية

والغادية عيب عليك

والجاية عيب عليك

وتبعتي ناس الحال

ونسيتي واليديك

والغادي العلوة يا وليدي

اجي نوصيك بعدا

لا لحگتي سلم

والعلوة لا تكلم

والعلوة وماليها

والصلاح لي فيها

والعوني گالو مات

قتلوه الحوريات

وبلغو سلامي لولادي

بالسلامة راني غادي

خويا يا ولد مي

ومشيتي ماشورتي

وفالعشية خرج من دارو

فالصباح جات خبارو

وما خويا ماني خوه

ما بويا ماني بوه

وراه خويا من البزولة

ولداق عليك الحال

عيط على بويا رحال

وخويا يا ولد مي

خرجتي ما شورتي

فالصباح خرج من دارو

فالعشية جات خبارو

وقتلتيني وانا خوك

دعيتك لرب الملوك

ها داك هو الباروك

حديث النسا عياني

وفراق حبابي بكاني

والطالعين ايزورو

وفالدنيا يرتاحو

وبعيني شفت الزين

وركابيا طاحو

وعيطو لسي عباس

هو يعطينا لقياس

نحفرو داك الساس

والقبة تطلع خلاص

وطلعنا لواد لعبيد

ابنيتي على گناطر من لحديد

ولي عندو الصح ايزيد

معاشو سيدي سعيد

يا والله ما نخمم

ما نخمم باش انعيش

والبيضة في لرحام

وعليها طلع لحم وريش

وراه قبت جدي طلعات

ولبهالة كاملة تجمعات

والفحلة يا بنتي

لا تعجني لا تسگي

يا الله نزرو جدي

على بوعبيد الشرقي

على خادم من لخدم

ولا رويحة زينة

لا حديث مسگم

فرحي يا فاطمة

تزاد عندك وليد

سميه على نبينا

والصلا والسلام عليه

انا وگولو لمي

ولميمة زيدي صبري

سكتي لا تبكي

ولفراق جابو ربي

ولميمة وتهلاي فالعار

وولادي مازال صغار

ولي كواتو نار لموت

وتخواو عليه لبيوت

يا والله ما نخمم

يا في برد لعشية

سيدي ربي لحنين

مزينو فالعطية

وعندي جوج حمامات

وراه فالشرجم يباتو

فينك يا حبيبي

الله يبارك فديني

وشعبي باغيني

وتقليد على واحد

جدي سيدي رحال

ولي دارني فهاد الحال

خوك اعيشة سلطان

علا سرو فالبلدان

وحكم وسرو بان

عل الناس وقومان

العار ابويا عمر

ناوية ليك السفر

العار اسيدي عبد لرحمان

عل جنبك باراج

العار ابويا احمد

ولي زارو ما ينكد

والله ما نسيني

ولا نخرج ديني

وشعبي باغيني

وگالو ليا درتي

وانا شي ما درتو

ولكتاب لمكتوب

حبيبي لا فلتو

وسيدي امحمد لحبيب

زيارتك راها فالغيب

ولي لامني في حالي

ونبيع لو ويشري مني

ونبيع لك بيع المحتاج

ومن ليلتو يروح مهني

وعيطو على سي عباس هو يعطينا لقياس

ونحفرو داك الساس

والقبة تطلع خلاص

وتعالى تشوف لمنكر

وشي صايم وشي فاطر

يا والله ما نسيني

ولا نخرج ديني

وراه شعبي باغيني

وراه جاو عندي لحباب

ما لگيت ما نعطيهوم

وراه هزيت عيني لله

وهو قادر بيهم

وگالو ليا سيدي خليفة جاو

وراه خرجت براسي عريان

والناس تعرض لحوالة

وانا عرضت التيران

ولايلا هاين الله

والصابر ليه الله

وبسم الله بسم الله كلها فعلو يلقاه

وتا نا فعلي يلقاني

وجدي بغيت انجيك

شدني الزمان عليك

والغادي واش مگابل

والجاي اش مگابل

وراه العلوة كلها بواهل

والعلوة گاع سيوف

وفرحي يا فاطمة

زاد عندك وليد

وسميه على نبينا

وهو يشفع فينا

وطلقي داك السالف

لمضفور عل تلاتة

وحقي في لحباب

واخا مع الورتة

آ الواد ايا الهواد

لمهود بربيعو

وراه حقي في لحباب

ما نرهنو ما نبيعو

وگولو لمي صبري

وگولو لختي صبري

لفراق جابو ربي

لمشيت نولي

وميمتي تهلاي فالعار

دراري مازال صغار

تقليدي عل روحك

وجدي سيدي رحال

لي دارني في هاد لحال

وبوك اعيشة سلطان

وبوك اعيشة لفحل

وخديمو ما يوحل

والعار اسيدي التهامي

والطلبة بيك تلاغي

والعار اسيدي داود

وراه نزورك ونعاود

يا والله ما نخمم

في برد عشية

سيدي ربي لكريم

من زينو بعطية

آ ربي ونا عبدك

ونتنزه في ملكك

ومول الملك العالي

ما بحالو تا والي

وانت يا يا حمامة

وا السارحة فالغابة

يا لقيتي مولاي اسعيد

وگولي لو ايجي دابا

يا والله ما نخمم

ولا نخمم باش انعيش

والبيضة في لرحام

وتتكسا لحم وريش

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

error: Content is protected !!