خربوشة

ماذا تعرفون عن الشيخة خربوشة؟

خولة فرحات – موطني نيوز
اسمها الحقيقي حادة العبدية الغياتية كانو كيلقبوها ب حويدة واسم خربوشة جا من واحد التقوب لي فوجها بسبب مرض الجدري … من المناضلات لي كانت كنتتقد القياد والسلاطين كانت معروفة بالزجل والكلمات المتقونة وحشيان لمعاني كتنتمي لقبيلة ولاد زايد منطقة المحاترة اسفي … غا تبدأ قصتها فاش مات السلطان مولاي الحسن لي كان مناسب مع القايد عيسى بن عمر حيت مزوج مرت باه وكان هو اليد اليمنى ديال الملك مات السلطان مولاي الحسن و ولدو كان مزال صغير ولي خدا الوصية ديال الملك هو با حماد هاد خيينا لي غير مسار المغرب للهاوية وكان شفار هذا قصتو غانحكيها لكم بوحدها … باحماد كان حاكم لبلاد وفرض كااع على القياد الضرائب وبدورهم القياد كانو كيفرضوها على المساكين منهم القائد عيسى بن عمر لي فرض الضرائب على قبيلة ولاد زايد هاد القبيلة لي كانت فقيرة مافيها لا فلاحة لا والو فسنوات الجفاف او ما كان يسمى بعام السيبة … هنا ناضت العداوة بين قبيلة ولاد زايد والقايد عيسى بن عمر حيت رفضو الضرائب وناضو معاه فحرب وقتل نصهم وحبس نصهم منهم قايد لقبيلة محمد بن ملوك الزروهني لي حبسو وقتلو فتطوان … وكان القايد عيسى بن عمر ماتيقد عليه تا واحد حيت كان فاابلاط ديال لقصر و وزير الخارجية آنذاك … هنا ناضت خربوشة لي كانت كتهرب لمحاربين قبيلتها السلاح … وكتخرج فالحفلات وتغني وتحشي لمعاني :

عمر الظالم ما يروح سالم**
واخايت عليك الايام والايام الايام ايام القهرة والظلام فينك يا عويسة وفين الشان والمرشان شحال غيرت من اعبادشحال صفيتي من اسياد بلا شفقة..بلا تخمام**
حركت الغلة..وسبيتي الكسيبة وصكتي النسا كيف الانعام ويتمت الصبيان بالعرام**
كي الشيخ كالعبد كالمقدم كع منك طالبين السلام فينك اعويسة وفين الشان والمرشان **
تعديتي وخسرت الخواطر وظنيتي القيادة على الدوام في ايامك الجيد ما بقالو شان والرعواني زيدتيه القدام سير أعيسة بن عمر اوكال الجيفة يا قتال خوتو ومحلل الحرام**
سير،عمر الظالم ما يروح سالم وعمر العلفة ما تزيد بلا علام وفرحي يا خربوشة والكريدةوسعدي يا حمرة الأقدام كلشي يفوت وتبقى عيوطك في الانضام**
كل خيمة ولدت علا م واحياني عليكم أولاد زيد أولاد الخير و الاسياد واش شفتو ما شفت اناواش شفتو خيولنا كحلين و غريين في العلفة جاو متساويين وياك كل خيمة ولدت علام**
ونوضو تحزمو .. وكونو رجالة تحرفو البارود .. والكمية والعكاد واجهو الجيفة .. راه طغى وتجبردك دشورة ودواور حرك خيام ونوايل من الشعبة للواد**
ما راعى للخاوة .. ما خمم للجورةما وقر اولاد عياد **
واميمتي والخطوات كتابووللا والطرقان صعابو وكلها وحسابو على كليمة هجرت البلاد **
ورا كالت ليكم الزيدية تحزموا وكونوا رجالة اللي تقدم فيكم ما يتوخر عمر الرماد ما يولي فاخر **
حياني حياني نوضو ليه نوضة الرعدة حياني حياني حركوا عليه حركة وحدة حياني حياني ورا عـبـدة لـعـبـدة ولعيسى بن عمر 
هنا خلا القايد بن عمر يقلب عليها حيت كتحشي الهضرة البلاط الملكي وليه وشدها فسطات كانت هربت عند خوالها وعدبها حتى ماتت مقتولة … وهكذا ماتت مرا بمئة راجل فزمن قلو فيه الرجال

حاولو تقراو على تاريخكم فيه بزااف مايتقال

اترك تعليقاً